Tyräkit

Wjelkowe mloko^[1] (Euphorbia) jo rod ze swójźby wjelkomlokowych rostlinow (Euphorbiaceae). Dalšnej serbskej mjeni stej koccyne mloko^[1] a kokotowe mloko^[1]. Znatej pyšnej rostlinje stej kristusowy śerń (Euphorbia splendens) a (Euphorbia pulcherrima).

Wopis

Družyny su kerki, trajne zela, jadnolětne rostliny abo kaktusojte sukulenty.

Kwiśonkowe stołki

Kwiśonkowe stołki su wjelgin pódobne a tak mjenjowany cyathium. Wóni wobstoje z reducěrowanych jadnotliwych kwiśonkow, kótarež maju jano jaden płodnik resp. proškowe łopjeńko. Mimo togo njasu wusoke łopjeno. Płod jo tśiźělna kapsla.

Maśizny

Rostliny wopśimjeju běłu mězgu, kótaraž wužrawje statkujo. Mězga jo zwětšego gadowata, ale pśi někotarych družynach móžo fosforescěrujuca byś abo samo wót parazitiskich flagelatow bydlona byś.

Družyny

Wopśimjejo slědujuce družyny:

• brodajcate wjelkowe mloko (Euphorbia verrucosa)
• kristusowy śerń^[2] (Euphorbia splendens)
• jěre wjelkowe mloko (Euphorbia esula)
• kśicne wjelkowe mloko (Euphorbia lathyrus)
• małe wjelkowe mloko (Euphorbia exigua)
• mandlowe wjelkowe mloko (Euphorbia amygdaloides)
• pěskowe wjelkowe mloko (Euphorbia seguieriana)
• pisane wjelkowe mloko (Euphorbia epithymoides)
• pjedličkate wjelkowe mloko (Euphorbia villosa)
• podsywne wjelkowe mloko (Euphorbia falcata)
• pšutojte wjelkowe mloko (Euphorbia virgata)
• rowne wjelkowe mloko (Euphorbia stricta)
• słodke wjelkowe mloko (Euphorbia dulcis)
• słyńcne wjelkowe mloko (Euphorbia helioscopia)
• cypresowe wjelkowe mloko (Euphorbia cyparissias)
• swětłe wjelkowe mloko (Euphorbia lucida)
• sywowe wjelkowe mloko (Euphorbia segetalis)
• šyroke wjelkowe mloko (Euphorbia platyphyllos)
• wjerbowe wjelkowe mloko (Euphorbia salicifolia)
• zagrodne wjelkowe mloko (Euphorbia peplus)
• bagnowe wjelkowe mloko (Euphorbia palustris)

Nožki

1. ↑ ^{1,0 1,1 1,2 1,3} Natur und Text, Rangsdorf 2011, b. 191 a 192 (ale za družynje Euphorbia cyparissia a Euphorbia helioscopia).
2. ↑ W internetowem słowniku: Christusdorn

Žrědła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 340 (nim.)
• Meyers Taschenlexikon Biologie, In 3 Bänden, 3. zwězk, ISBN 3-411-12033-9, bok 288 (nim.)
• Ullstein Lexikon der Pflanzenwelt, 1973, ISBN 3-550-16019-4, boka 492-493 (nim.)