D Rhizaria sin e Gruppe vu aizällige Läbewäse, wu zue dr Eukaryote (Läbewäse mit Zällchärn) gstellt wäre. Si umfasse rund 12.000 Arte[1].
D Syschtematik vu dr Eukaryote vu Adl et al. 2005 fiert d Rhizaria as aini vu dr sechs Taxa vu däre Domäne. E Dail Gruppe vu dr Rhizaria, vor allem di boode umfangryychschte Gruppe, d Foraminifere (Foraminifera) un d Strahledierli (Radiolaria), hän herti Schalen entwicklet, wu fossil chennen erhalte blyybe, un hän in dr geologische Schichtekund (Stratigrafy) as Laitfossilie ne großi Bedytig.
Alli Aagherige vu dr Rhizaria hän as karakteristisch Merkmol fyyni Schyyfießli, sognännti Pseudopodie. Die chennen aifach oder verzwygt un mitenander verchnipft syy. Bi ne Dail Gruppe git s au ne styyf Zytoskelett us Mikrotubuli, doderdur sin d Pseudopodie stachelartig uusbildet un bilde Filopodie.
D Chlorarachniophyta, wu zue dr Cercozoa ghere, hän Chloroplaschte un chenne dodermit Photosynthes dryybe.
Adl et al. 2005 glidere d Rhizaria in fimf Gruppen ohni klassischi Rangstapfle.
Pawlowski 2008 unterglideret d Rhizaria unter Berucksichtung vu dr Chännntnis syt dr Arbet vu Adl et al. eso:[2]
N.N. N.N.Chärn-Cercozoa (Filosa)
Ascetosporea (Haplosporidia + Paramyxida)
D Rhizaria sin e Gruppe vu aizällige Läbewäse, wu zue dr Eukaryote (Läbewäse mit Zällchärn) gstellt wäre. Si umfasse rund 12.000 Arte.
D Syschtematik vu dr Eukaryote vu Adl et al. 2005 fiert d Rhizaria as aini vu dr sechs Taxa vu däre Domäne. E Dail Gruppe vu dr Rhizaria, vor allem di boode umfangryychschte Gruppe, d Foraminifere (Foraminifera) un d Strahledierli (Radiolaria), hän herti Schalen entwicklet, wu fossil chennen erhalte blyybe, un hän in dr geologische Schichtekund (Stratigrafy) as Laitfossilie ne großi Bedytig.