Villihevonen

Przewalskipeerd

Wèld peerd is de verzaomelnaom veur alle oondersoorte vaan 't peerd (Equus ferus) boete 't taam peerd (E.f. caballus). De einege levende wèl oondersoort is 't Przewalskipeerd (E.f. przewalskii), wat vaan nature in Mongolië veurkump. Tot roond 1900 gaof 't in Oos-Europa en Wes-Azië nog d'n tarpan (E.f. ferus), dee ing verwant waor aon de veurawwers vaan de modern taam peerd.

Versjèllende populaties vaan Equus ferus caballus zien later vrijgelaote en soms gans verwèlderd. Zoe'n rasse, wie de mustang in Noord-Amerika, de sorraia in Portugal of 't Namibpeerd in Namibië, mage gein wèl peerd heite meh weure verwèlderde peerd geneump.