Die Witkol-klipkabeljou (Epinephelus coeruleopunctatus) is 'n vis wat voorkom in die Indiese-Pasifiese area, Oos-Afrika suidwaarts tot by die Oos-Kaap. In Engels staan die vis bekend as die Whitespotted rockcod.
Die vis word tot 60 cm lank. Die vis donkerblou tot grysbruin van kleur met groot wit vlekke wat gemeng met kleiner kolletjies oor die hele lyf voorkom. Die kop is gepunt terwyl die agterste gedeelte van die stertvin swart is met geen kolle op nie.
Die vis leef aflandig op koraal- en rotsriwwe in water wat 4 tot 65m diep is. Die vis is 'n alleenloper en bly gewoonlik in die dag naby onderwater grotte of skeure. Hulle vreet vissies en skaaldiere. Hierdie vis kom algemeen voor.
