Aythya collaris (Donovan 1809)

O pato de colar (Aythya collaris), tamén coñecido como pato cristado americano ou parrulo cristado americano, é un paxaro anseriforme da familia dos anátidos.

Características

Presenta un marcado dimorfismo sexual que se aprecia non só na coloración da plumaxe, senón tamén no seu talle e peso. Os machos son lixeiramente meirandes que as femias e seméllanse moito ós seus parentes, os patos cristados. Son aves mergulladoras e omnívoras que se alimentan de vermes, insectos, caracois, sementes e plantas acuáticas.

Distribución e costumes

Cría en lagos e lagoas do norte dos Estados Unidos e Canadá. Durante o inverno móvese cara o sur, ocupando lagos e zonas costeiras do oeste e sur dos Estados Unidos, México, o Caribe e América Central.

Galería de imaxes

• Aythya collaris femia.

• Aythya collaris macho.

Véxase tamén