Rhamnus cathartica L.

Prawy hokowc (Rhamnus cathartica) je kerk ze swójby hokowcowych rostlinow (Rhamnaceae).

Rhamnus cathartica

Wopis

Prawy hokowc je kerk, kotryž docpěje wysokosć wot 1 hač do 3 m. Hałuzy so často ze ćernjom skónča.

Łopjena

Łopjena su kulowate hač šěroko-jejkojte a docpěja dołhosć wot 4 hač do 6 cm. Wone njesu na woběmaj bokomaj 3-4 wobłukate nerwy. Na staršich hałuzach steja w promjenjach, mjeztym zo na młódšich hałuzach su přećiwostejne. Jich kroma je sćeńka rězana.

Łopjenowy stołpik je dlěše hač pódlanske łopješka.

Kćenja

Kćěje wot meje hač do junija. Žołtozelene, wonjace kćenja su štyriličbne, docpěja šěrokosć wot 4 hač do 5 mm a steja po dwěmaj hač po wosmjoch we łopjenowych rozporach.

Płody

Płody su čorne jahodojte póčkate płody, kotrež docpěja šěrokosć wot 6 hač do 8 mm.

Stejnišćo

Rosće w słónčnych žiwych płotach, na lěsnych kromach, w swětłych lěsach a suchich pastwach.

Rozšěrjenje

Rostlina ja w južnej Skandinawiskej, w srjedźnej a južnej Europje rozšěrjena.

Wužiwanje

Prjedy bu z płodow zelena barba zhotowana, kotraž bu w molerstwje a k barbjenju papjery a kože wužiwana.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 148.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 460 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 242 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Prawy hokowc