Rhamnus catharticus, el espín cerval o cervispino, tamién conocíu como cambrón, fediondu o ramno catárticu, ye un parrotal espinosu de la familia de les Ramnacees.
Ye un parrotal tupiu de 3-6 metros d'altor. Cañes alternes, diverxentes, terminaes nun escayu. Fueyes opuestes, ovales, caduques y de cantos dentaos con 2-4 pares de nervios llaterales bien marcaos y de color verde brillante de 2-6 cm de llargor. Flores pequeñes y verdoses de cuatro pétalos, abondosos en grupos ente les fueyes. Frutu en baga, negra y redonda del tamañu d'un arbeyu. Son venenoses con golor cheiriento.
Llargamente distribuyíu por toa Europa, noroeste d'África y Asia occidental en montes, sebes y espesures, sobremanera en llugares soleyeros y cascayosos. Introducíu en Norteamérica nel sieglu XIX como ornamental ellí convirtióse en planta invasora.
Rhamnus catharticus describióse por Carlos Linneo y espublizóse en Species Plantarum 1: 193, nel añu 1753.[1]
Rhamnus: nome xenéricu que deriva d'un antiguu nome griegu pal espín cerval.[2]
catharticus: epítetu llatín que significa "purgativo".[3]
Númberu de cromosomes de Rhamnus cathartica (Fam. Rhamnaceae) y táxones infraespecíficos: 2n=24[4]
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Rhamnus catharticus, el espín cerval o cervispino, tamién conocíu como cambrón, fediondu o ramno catárticu, ye un parrotal espinosu de la familia de les Ramnacees.
