Bugleweed

Zběhowc^[1][2] (Ajuga) je ród ze swójby cycawkowych rostlinow (Lamiaceae).

Wopis

Družiny su jednolětne hač wjacelětne zela.

Stołpik často je ležacy.

Łopjena su zwjetša hrubje zubate.

Kćenjowe mutlički steja w rozporach a su často ke kłosojtym kwětnistwam zjednoćene. Kćenja su módre, běłe, čerwjene, rědko žołte. Hornja hubka je jara krótka.

Rozšěrjenje

Družiny su w měrnych regionach cyłeho swěta rozšěrjene.

Družiny (wuběrk)

Wobsahuje sćěhowace družiny:

• japanski zběhowc (Ajuga japonica)
• jehłancojty zběhowc (Ajuga pyramidalis)
• kosmaty zběhowc (Ajuga genevensis)
• łažawy zběhowc (Ajuga reptans)
• ležacy zběhowc (Ajuga decumbens)
• žołty zběhowc (Ajuga chamaepitys)

Nóžki

1. ↑ ^{1,0 1,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 648.
2. ↑ ^{2,0 2,1} W internetowym słowniku: Günsel

Žórło

• Ullstein Lexikon der Pflanzenwelt, 1973, ISBN 3-550-16019-4, strona 174 (němsce)

Eksterne wotkazy

Commons: Zběhowc – Zběrka wobrazow, widejow a awdiodatajow

• Flora of China - Ajuga (jendź.)