Field Forget Me Not

Rólna njezapomnička (Myosotis arvensis) je družina ze swójby wódrakowych rostlinow (Boraginaceae).

Wopis

Rólna njezapomnička je jednolětna abo dwulětna rostlina, kotraž docpěwa wysokosć wot 10 hač do 40 cm. Rostlina je šěro kosmata.

Stołpiki su zrunane.

Łopjena

Łopjena su owalne abo lancetojte a steja w spódnjej rozeće a na stołpiku. Wone docpěwaja dołhosć wot 1 hač do 5 cm. Delnje łopjena znjenahła do stołpika zwužeja, mjeztym zo hornje łopjena su sedźace.

Kćenja

Kćěje wot apryla hač do septembra. Swětłomódre, likojte kćenja docpěwaja šěrokosć wot 2 hač do 3 mm a njesu žołtu rynčku. Wone steja na spočatku zakulenym, pozdźišo so k jednomu bokej wobroćacym kwětnistwje, kotrež nima nošne łopješka. Keluch njese wotstejace, hokate kosmy.

Móličke kćenja so zwjetša same wopróšuja.

Płody

Płody su wot kelucha wobdate. Płodowe stołpiki su dwójce hač trójce tak dołhe kaž keluškowe łopješka.

Stejnišćo

Rosće na rolach, wosebje mjez žitom, na lěsnych zahonach, na drjebiznowych městnach a na pustych płoninach. Preferuje wutkate, bazowe hlinjane pódy.

Rozšěrjenje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 305.
2. ↑ W internetowym słowniku: Vergißmeinnicht

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 294 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 212 (němsce)

Eksterne wotkazy

Hlej wotpowědne dataje we Wikimedia Commons:
Rólna njezapomnička

Rólna njezapomnička. W: FloraWeb.de. (němsce)