Kyrrhafsostra (fræðiheiti: Crassostrea gigas) er ostrutegund sem er að finna við Kyrrahafsstrendur Asíu. Tegundin hefur verið flutt til Ástralíu, Evrópu, Norður-Ameríku og Nýja-Sjálands. Kyrrahafsostran er sú mest ræktaða og efnahagslega mikivægasta ostrutegundin. Þessi tegund er ræktuð vegna þess að hún vex frekar hratt og er ónæm fyrir mörgum sjúkdómum. Á nokkrum svæðum þar sem kyrrahafsostran hefur verið flutt inn hefur hún sest að á náttúrulegum vaxtarstöðum og er álitin innrásartegund.
