Gle screccariégle [skrǝkːa'rjeʎːə] (Erica multiflora L., 1753) è na chianda de la famiglia de l'Ericacie.
È na chianda sèmbevérde, a fušte lenuse, che tanda rámera é che frunne acheforme, lònghe 5-10 mm.
Gle sciuore, ròsie-viulacie, luonghe affin'a 7 mm, suó reštritte mbond'a tutte a le rámera é fórmane nscerescénze fote fote. Scerisce da settiémbre a neviémbre.
È faštima la spèce cchiù a sud de gle jènnere Erica, spasa dénd'a l'aria de gle Mediterranie, da la Spagna a la Grècia é a gle Nòrd Áfreca.
A l'Etalia ze tròva a tutte le reggiune cendrale e merediunale, é ze tròva cchiuttòšte a gle late a penènde de la Penísera.
Crésce pellecchiù ngim'a gle terrine calcarie, mmiés'a gle šterpune, tra 0 é 800 m ngim'a gle gleviégle e gle mare.
Ze chiama allescì pecché, quanne ce se jètta ne ramitte a gle fuoche, fa remore (ze dice ca "scròcca").
De cchiù de la sottespèce nemmenale Erica multiflora L. subsp. multiflora, a l'Etalia esište pure n'ata sottespèce: Erica multiflora subsp. hyblaea Domina & Raimondo, che ze tròva 'n Secilia:
È na bòna chianda mellífera.
Gle screccariégle [skrǝkːa'rjeʎːə] (Erica multiflora L., 1753) è na chianda de la famiglia de l'Ericacie.
