Malacostracans

Storkreps (Malacostraca) er ein klasse krepsdyr som omfattar over 22 000 artar, mellom dei krabbar, hummer, kreps, reker og kril. Det er den best kjende gruppa krepsdyr, og finst i alle hav og i somme terrestriske og ferskvasshabitat.

Kjenneteikn

Kroppsplanet til ein storkreps (klikk på biletet for større versjon)

Kjenneteikna til storkrepsen omfattar:

• Hovud med seks segment, med eit par antennuler, eit par antenner, fasettaugo og munndelar
• Vanlegvis åtte par bein på thorax (mellomkroppen); det første eller dei første er ofte omdanna til maxillipedar, som vert nytta til å ta til seg føde. Ofte er det første paret bein bak maxillipedane omdanna til klør.
• Åtte segmentar på thorax. Cephalothorax, som består av hovudet og thorax, er dekt av ryggskjoldet (carapax).
• Bakkroppen, abdomen, består av seks segment og vert ofte nytta til å symje med.
• Fasettaugo, stundom på stilkar
• To kammer i magen
• Sentralisert nervesystem

Systematikk

Denne klassifiseringa følgjer Martin & Davis sin klassifisering av krepsdyra. Utdøydde grupper er merkte med †.

Klasse Malacostraca Latreille, 1802

• Underklasse Phyllocarida Packard, 1879

• †Orden Archaeostraca
• †Orden Hoplostraca
• †Orden Canadaspidida
• Orden Leptostraca Claus, 1880

• Underklasse Hoplocarida Calman, 1904

• Orden Stomatopoda Latreille, 1817 (sjøknelarar)

• Underklasse Eumalacostraca Grobben, 1892
  • Overorden Syncarida Packard, 1885
    • †Orden Palaeocaridacea
    • Orden Bathynellacea Chappuis, 1915
    • Orden Anaspidacea Calman, 1904
  • Overorden Peracarida Calman, 1904
    • Orden Spelaeogriphacea Gordon, 1957
    • Orden Thermosbaenacea Monod, 1927
    • Orden Lophogastrida Sars, 1870
    • Orden Mysida Haworth, 1825
    • Orden Mictacea Bowman, Garner, Hessler, Iliffe & Sanders, 1985
    • Orden Amphipoda Latreille, 1816 (tanglopper)
    • Orden Isopoda Latreille, 1817 (skrukketroll, tanglus)
    • Orden Tanaidacea Dana, 1849
    • Orden Cumacea Krøyer, 1846
  • Overorden Eucarida Calman, 1904
    • Orden Euphausiacea Dana, 1852 (kril)
    • Orden Amphionidacea Williamson, 1973
    • Orden Decapoda Latreille, 1802 (krabbar, hummer, reker)