Owa (Hylobates moloch) téh primata ti kulawarga Hylobatidae, atawa nu katelah babon. Pakulitanana hawuk semu hérang, teu boga buntut, leungeunna panjang, rata-rata beuratna 8 kg.
Owa ukur aya di bagian kulon pulo Jawa, (Indonésia), hirup di leuweung-leuweung geledegan. Owa liarna beurang, jago pisan tétérékélan dina tatangkalan (arboréal), kadaharanana bungbuahan, dangdaunnan, jeung kekembangan.
Owa anakanana unggal tilu taun (rata-rata), keureuneuhna tujuh bulan. Anakna diasuh di jero gorombolanana, mimiti disapih umur 18 bulan, nincak sawawa kira umur 8 taun.
Kiwari, owa statusna kaasup salah sahiji primata anu paling kaancam musnah, utamana ku sabab habitatna di pulo Jawa beuki heureut, kadesek ku kaadaban manusa. Total ti sakabéh pusat pelestarian, paling loba tinggal 2000 deui.
Sarua jeung spésiés babon lianna, owa hirup papasangan ngawasa wilayah nu legana kira 17 ha. Pikeun ngajaga wilayahna, nu bikang sok disada sababaraha kali sapoé. Mun aya nu asup ka wilayahna, nu jalu disada tarik pikeun nyingsieunan.
Owa dibagi kana dua subspésiés: Hylobates moloch moloch (beulah kulon) jeung Hylobates moloch pongoalsoni (beulah wétan) [3].
Owa (Hylobates moloch) téh primata ti kulawarga Hylobatidae, atawa nu katelah babon. Pakulitanana hawuk semu hérang, teu boga buntut, leungeunna panjang, rata-rata beuratna 8 kg.
Owa ukur aya di bagian kulon pulo Jawa, (Indonésia), hirup di leuweung-leuweung geledegan. Owa liarna beurang, jago pisan tétérékélan dina tatangkalan (arboréal), kadaharanana bungbuahan, dangdaunnan, jeung kekembangan.
Owa anakanana unggal tilu taun (rata-rata), keureuneuhna tujuh bulan. Anakna diasuh di jero gorombolanana, mimiti disapih umur 18 bulan, nincak sawawa kira umur 8 taun.
Kiwari, owa statusna kaasup salah sahiji primata anu paling kaancam musnah, utamana ku sabab habitatna di pulo Jawa beuki heureut, kadesek ku kaadaban manusa. Total ti sakabéh pusat pelestarian, paling loba tinggal 2000 deui.
Sarua jeung spésiés babon lianna, owa hirup papasangan ngawasa wilayah nu legana kira 17 ha. Pikeun ngajaga wilayahna, nu bikang sok disada sababaraha kali sapoé. Mun aya nu asup ka wilayahna, nu jalu disada tarik pikeun nyingsieunan.
Owa dibagi kana dua subspésiés: Hylobates moloch moloch (beulah kulon) jeung Hylobates moloch pongoalsoni (beulah wétan) .
