Digitalis grandiflora Mill.

Blědy naporst (Digitalis grandiflora) je rostlina ze swójby putnikowych rostlinow (Plantaginaceae).

Po někotrych žórło so swójbje trudownikowych rostlinow (Scrophulariaceae) přirjaduje.

Synonym

• D. ambigua Murray

Wopisanje

Blědy naporst je trajne zelo, kotrež docpěwa wysokosć wot 60 hač 120 cm.

Stołpik je horjeka kudźerjawje kosmaty.

Łopjena

Ćmowozelene łopjena su přećiwostejne a lancetojte a njesu na delnim boku proste kosmy. Wone maja nadpadne žiłki.

Kćenja

Kćěje wot junija hač awgusta. Wisace, zwónčkojte, swětłožołte kćenja docpěwaja dołhosć wot 3 hač 4,5 cm a steji w dołhich kićach. Wone nimaja kosmy a su znuřka swětłobrunje syćojće blakate. Króna je zwónčkojta-brjuchata a docpěwa dołhosć wot 3 hač 4 cm.

Kćenja čmjeły přiwabjuja, kotrež hłuboko do kćenjow nutř lězu a tam nektar cycaja.

Stejnišćo

Rosće na hórskich łukach, lěsnych swětlinach, lěsnych zahonach a kamjentnych nasypach. Preferuje čerstwe pódy w słóncu abo w połsćinje.

Rozšěrjenje

Rostlina je w srjedźnej Europje, južnje hač do južnych Alpow, w sewjernej Grjekskej a w Kawkazu rozšěrjena.

Podobna družina

• Žołty naporst (Digitalis lutea) ma kćenja, kotrež su wusko zwónčkojte a docpěwaja dołhosć wot 2 hač 2,5 cm. Wone su znutřka kosmate.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 286.
2. ↑ W internetowym słowniku: Fingerhut

Žórła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 280 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 156 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 334 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Blědy naporst