الأسماء في صفحات التنقل
Die Rooistertvylvis (Pervagor janthinosoma) is 'n vis wat voorkom in die westelike Stille Oseaan, die Indiese Oseaan en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Redtail filefish. Die onvolwasse visse mag die Oos-Kaap bereik.
Die vis word tot 14 cm lank. Die voorste gedeelte van die lyf is donkerblou en die agterste helfte is groenbruin. Die stertvin is prominent oranje-rooi van kleur terwyl daar ook 'n swart streep op die kieue deksel is.
Die vis leef in tropiese strandmere en aflandige koraal- en rotsriwwe in water wat 2 tot 20 m diep is. Die vis is gebiedsgebonde en sku; hulle skuil soms die korale. Hulle is meestal ook alleenlopers en kom ook voor in pare. Die vis vreet alge en 'n verskeidenheid klein ongewerweldes.
Die Rooistertvylvis (Pervagor janthinosoma) is 'n vis wat voorkom in die westelike Stille Oseaan, die Indiese Oseaan en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Redtail filefish. Die onvolwasse visse mag die Oos-Kaap bereik.
