錢葉珍珠菜

Numulario esas planto, vicina ye la primrozo.

Wužowe zele^[1] (Lysimachia nummularia) jo rostlina z pódswójźby myrsinowych rostlinow (Myrsinoideae) znutśika swójźby primulowych rostlinow (Primulaceae).

Wopis

Wužowe zele jo trajne zele, kótarež dośěgnjo wusokosć wót 10 až do 50 cm.

Kijaški su lažece a w dolnem źělu korjenja.

Łopjena

Łopjena su kulojte až owalne, napśeśiwo stojece a tupe. Wóni za cas zymy su zelene a dośěgnu wjelikosć wót 3 cm.

Kwiśonki

Kwiśo wót maja až do julija. Złotožołte kwiśonki stoje na dłujkich wogonkach w rozporach srjejźnych łopjenow, dośěgnu šyrokosć wót 1 až do 2 cm a njasu pěś cypliški. Keluškowe cypliški su wutšobojte, mjaztym až krony su złotožołte, cesto cerwjenje dypkate a dośěgnu wjelikosć wót 1 až do 2,5 cm.

Zemjepókšawaŕ

Rostlina wutwóri wjelike pśestrěńce a se góźi ako zemjepókšawaŕ w zagrodach.

Stojnišćo

Rosćo na tucnych łukach, włožnych łukach, pastwach, w zagrodach, na brjogach, w groblach, łučinowych lěsach a na drogowych kšomach. Ma lubjej skerjej włožne, wutkate a bazowe zemje na wótworjonych stojnišćach.

Rozšyrjenje

Rostlina jo w pśisamem Europje rozšyrjona, ale felujo w regionje Srjejźnego mórja. Wóna teke w Błotach wustupujo.

Wužywanje

Nožki

1. ↑ ^{1,0 1,1} W internetowem słowniku: Pfennigkraut

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 132 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 276 (nim.)
• Petrick, W. et al̇.: Flora des Spreewaldes. Natur und Text, Rangsdorf 2011, ISBN 978-3-942062-00-8, b. 247 (Serbske mě za Lysimachia nummularia).