Wšědna hrimanka (Echium vulgare) je rostlina ze swójby wódrakowych rostlinow (Boraginaceae). Dalše serbske ludowe mjeno je módry kosmač[1].
Wšědna hrimanka je dwulětna rostlina, kotraž docpěwa wysokosć wot 25 hač do 100 cm. Rostlina je seršćikojće kosmata.
Stołpik je zrunany a lisćaty.
Měnjate łopjena su lancetojte.
Kćěje wot meje hač do septembra (wot junija hač do awgusta). Likojte kćenja su wioletne a docpěwaja dołhosć wot 1,5 hač do 2 cm a na spočatku steja w zakulenych skupinach, wijelach[2], a wone tworja kehelojte, hač 50 cm dołhe kwětnistwo. Jako pupki su čerwjene, pozdźišo róžojte a cyle so pukane módre. Króna je njeprawidłowna a dwuhubkata a docpěwa dołhosć wot 15 hač 20 mm. Jeje wuběh je křiwa. Próškowe łopješka z kćenjow wusahuja.
Tež eksistuja formy z běłymi a róžojtymi kćenjemi. Při małoróstnych formach běłe, módre, róžojte abo purpurowe kćenja wustupuja.
Rosće na pućach, na železniskim terenje, na přistawach, na drjebiznowych městnach, na pustym kraju a na skałach.
Rostlina je w Europje rozšěrjena.
Wšědna hrimanka (Echium vulgare) je rostlina ze swójby wódrakowych rostlinow (Boraginaceae). Dalše serbske ludowe mjeno je módry kosmač.