Die springbok (Antidorcas marsupialis) is 'n klein, bruin-en-wit wildsbok wat in die westelike dele van Suider-Afrika aangetref word.
Volwasse springbokke het 'n gemiddelde hoogte van 75 cm. Springbokramme weeg 33–56 kg, terwyl ooie 'n gewig van 25–40 kg kan bereik. Die ram het horings wat tot 48 cm lank kan wees. Springbokke bereik 'n spoed van 80–90 km/h, terwyl hul naam op hul springvermoë dui: hulle kan 3,5 m hoog en tot 15 m ver spring.
Springbokke kom voor in die droë binnelandse gebiede van Suider-Afrika en was eens op 'n tyd volop hier. Weens die jag op hulle en die menslike besetting van hul woongebied is daar egter vandag aansienlik minder oor.
Die ooi is tussen 5,5 en 6 maande dragtig, waarna 'n enkele lammetjie gewoonlik in November gebore word. Springbokke het 'n moontlike lewensduur van 10 jaar.
Die Springbok was vroeër die nasionale sportembleem van Suid-Afrika. Die tradisie het sy oorsprong in die 1906–1907-rugbytoetsreeks in Engeland. Ná die afskaffing van apartheid is die embleem ook afgeskaf omdat dit vir baie 'n simbool van onderdrukking is. Danksy die ingryping van Nelson Mandela is die embleem egter behou vir die Suid-Afrikaanse rugbyspan. Dit is die nasionale soogdier van Suid-Afrika.
Springbok in die Nasionale Etoshawildtuin, Namibië
Springbok in die Nasionale Etoshawildtuin, Namibië
Rustende springbokram in die Nasionale Etoshawildtuin, Namibië
Springbokooi by Chudopwatergat, oostelike Etoshawildtuin, Namibië
Springbokke wei op 'n afgebrande veld, Nasionale Etoshawildtuin, Namibië
Wikimedia Commons het meer media in die kategorie Springbok.
Wikiwoordeboek het 'n inskrywing vir springbok.
Wikispecies het meer inligting verwant aan: Springbok
Amptelike simbole van Suid-Afrika
Blom: Boom: Voël: Dier: Vis:
die koningsprotea die geelhout die bloukraanvoël die springbok die galjoen Protea cynaroides Podocarpus latifolius Grus paradisius Damaliscus pygarus Distichius capensis Die springbok (Antidorcas marsupialis) is 'n klein, bruin-en-wit wildsbok wat in die westelike dele van Suider-Afrika aangetref word.
Volwasse springbokke het 'n gemiddelde hoogte van 75 cm. Springbokramme weeg 33–56 kg, terwyl ooie 'n gewig van 25–40 kg kan bereik. Die ram het horings wat tot 48 cm lank kan wees. Springbokke bereik 'n spoed van 80–90 km/h, terwyl hul naam op hul springvermoë dui: hulle kan 3,5 m hoog en tot 15 m ver spring.
Springbokke kom voor in die droë binnelandse gebiede van Suider-Afrika en was eens op 'n tyd volop hier. Weens die jag op hulle en die menslike besetting van hul woongebied is daar egter vandag aansienlik minder oor.
Die ooi is tussen 5,5 en 6 maande dragtig, waarna 'n enkele lammetjie gewoonlik in November gebore word. Springbokke het 'n moontlike lewensduur van 10 jaar.
.jpg)
