珠袖蝶

Glöyn byw sy'n perthyn i'r genws Dryas yn urdd y Lepidoptera yw mantell felyngoch, sy'n enw benywaidd; yr enw lluosog ydy mentyll melyngoch; yr enw Saesneg yw Julia neu The Flame, a'r enw gwyddonol yw Dryas iulia (neu wedi'i gamsillafu weithiau fel: Dryas julia^[1]) ^[2][3]. Fe'i canfyddir ym Mrasil, Texas a Florida ac yn ystod yr haf fe'i welir mewn cynefinodd mor bell i'r de â dwyrain Nebraska.

Glöyn wedi'i fframio.
Chwith: o'r top; dde: gwaelod - MHNT

Ceir dros 15 o isrywogaethau (gweler isod).

Mae'n löyn mawr, gyda lled yr adenydd ar ei eithaf rhwng 82 a 92 mm. Mae'r lliw oren yn fwy llachar yn y gwryw na'r fenyw. Yn wahanol i lawer o loynnod, caiff lonydd gan adar. Gan ei fod yn effro yn ystod y dydd a fod ganddo oes hir, mae'n eitha cyffredin ei wedi mewn adeiladau gloynnod e.e. Pili Palas.

Cynefin

Mae'r Fantell felyngoch yn hoff iawn o ymylon coedwigoedd, llennyrch a llwybrau cerdded. Mae'n chwim iawn ar ei adain. Prif fwyd y siani flewog ydy mathau o Passiflora.

Isrywogaethau

Yn nhrefn yr wyddor:^[4]

• D. i. alcionea (Cramer, 1779)
• D. i. carteri (Riley, 1926)
• D. i. delila (Fabricius, 1775)
• D. i. dominicana (Hall, 1917)
• D. i. framptoni (Riley, 1926)
• D. i. fucatus (Boddaert, 1783)
• D. i. iulia (Fabricius, 1775)
• D. i. lucia (Riley, 1926)
• D. i. largo Clench, 1975
• D. i. martinica Enrico & Pinchon, 1969
• D. i. moderata (Riley, 1926)
• D. i. nudeola (Bates, 1934)
• D. i. warneri (Hall, 1936)
• D. i. zoe Miller & Steinhauser, 1992

Oriel luniau

• Siani flewog

• Dau oedolyn

• Dau oedolyn arall; sylwer ar yr amrywiadau o rn lliw.

• O dan yr adain

Cyffredinol

Gellir dosbarthu'r pryfaid (neu'r Insecta) sy'n perthyn i'r Urdd a elwir yn Lepidoptera yn ddwy ran: y gloynnod byw a'r gwyfynod. Mae'r dosbarthiad hwn yn cynnwys mwy na 180,000 o rywogaethau mewn tua 128 o deuluoedd.

Wedi deor o'i ŵy mae'r fantell felyngoch yn lindysyn sy'n bwyta llawer o ddail, ac wedyn mae'n troi i fod yn chwiler. Daw allan o'r chwiler ar ôl rhai wythnosau. Mae pedwar cyfnod yng nghylchred bywyd glöynnod byw a gwyfynod: ŵy, lindysyn, chwiler ac oedolyn.

Gweler hefyd

• Rhestr gwyfynod a gloynnod byw
• Cymdeithas Edward Llwyd a Llên Natur

Mae gan Gomin Wikimedia
gyfryngau sy'n berthnasol i:

Dryas iulia

Cyfeiriadau

• Butterflies and Moths of North America (BMNA) [2008]: Julia Heliconian. Retrieved 2008-AUG-14.
• Miller, L. D. & Miller, J. Y. (2004): The Butterfly Handbook: 115. Barron's Educational Series, Inc., Hauppauge, New York. ISBN 0-7641-5714-0