Der Peperoni oder Peperone, wissnschoftlich isch a Gmiasfrucht wos in worme Gegetn woxt. Es isch a „Nachtschattengewächs“ unt isch van sem her mit die Paradeis (Tomatn), Ertepfl unt Tollkerstn verwondt, kimmp aus Siidamerika.
In taitschn Sprochraum sogg man aa Pfefferoni, Gemüsepaprika oder Paprika (Capsicum annuum). Mit Paprika pezeichnt der Sidtiróler as roate Paprikapulver, Peperoni hingegn isch der Gemisepaprika. Peperoni isch ausn Italienischn ibernummen, isch in Italienischn Plural. In Gewirzpaprika (Spanischer Pfeffer) hingegn hoaßt man in Sidtirol oft Peperontschini (pedaitet in Italienischn „kleine Peperoni“). Die Schärfn kimmp van Alkaloid Capsaicin.
Es gip verschiedne Zuchtformen unt Sortn va die Peperoni, roate, gelbe, greane, unt verschiedne Formen, Greßn unt Konsistenz. Die groaßn Sortn woxn nerdlich va die Olpm in Freiland normalerweis net guat, sie prauchn a worms Klima. Peperoni konn man ongfongen pa der Gemisesuppm vielfältig verwentn, aa als Gwirz.
