Kavgacı Balıklar

Iwak cupang kalebu sawijining iwak kang asalé asli saka Asia Kidul-Wétan.^[1] Iwak jinis iki duwé variasi sirip, sisik, wujud lan warna kang éndah lan akèh macemé.^[1] Ana ing sapérangan laladan, iwak kang kalebu agrésif lan seneng maméraké sirip lan buntuté iki kerep uga diarani iwak aduan.^[2] Nanging sanadyan iwak iki diarani iwak aduan sejatine kang diadu mung iwak saka jinis lanang baé.^[2]

Miturut sapérangan literatur, jeneng cupang sajatiné mung kanggo ngarani iwak saka marga Trichopsis kaya déné Trichopsis vittatus (cupang abang), Trichopsis pumillus (cupang biru) lan Trichopsis scalleri (cupang ijo).^[3] Wiwitané ya iwak sawah iki kang déning para bebrayan umum diarani iwak cupang, nanging awit taun 1960-an cupang saka marga Trichopsis mau banjur kalah pamor ketimbang cupang saka marga Betta.^[3]

Jinising

Jinis cupang kang dikenal saiki ya iku:^[4][5]

• Betta pugnax (Forest Betta)
• Betta taeniata (Banned Betta)
• Betta macrostoma (Bruney Beauty)
• Betta unimaculata (Golden Slender)'
• Betta picta (Painted Betta)
• Betta anabantoides (Pearly Betta)
• Betta edithae (Betta Brederi)
• Betta foerschi (Purple Saphire Betta)

Iwak cupang ana ing ndhuwur dikenal karo mouth breeder ya iku iwak cupang kang ngangeremi endhogé ana ing jero cangkem.^[4] Ana ing ngisor iki ya iku jinis iwak cupang betta, kang gawé omahé nganggo busa (bublle nest).^[4][5]

• Betta akarensis 'Sarawak Betta)
• Betta coccina (Clorat's Betta)
• Betta bellica (Standard's Betta)
• Betta tesyae (Peaceful Betta)
• Betta smaragdina (Emerald Betta)
• Betta splendens (Siamese Fighting Fish)

Jinis ikan cupang liya kang dikenal ya iku^[4][5]:

• Betta albimarginata
• Betta balunga
• Betta breviobesus

Cupang hias dibagi dadi:

• Halfmoon (setengah wulan), cupang jinis iki duwé sirip lan buntut amba lan simetris kaya wujud wulan setengah. Jinis cupang iki pisanan dibudidaya ana ing Amérika Sarikat déning Peter Goettner taun 1982.^[6]
• Crowntail (buntut makutha) utawa serit, cupang jinis iki pisanan dibudidayaké déning peternak cupang saka laladan Jakarta kulon, ya iku ana ing laladan slipi taun 1968 Ciri utamaé ya iku sirip lan buntut kang kaya sisir.^[6]
• Double tail (buntut dobel).^[6]
• Plakat Halfmoon.^[6]
• giant (cupang raksasa), cupang jinis iki mkasil saka perkawinan silang antarané cupang biyasa karo cupang alam, cupang jinis iki ukurané bisa nganti 12 cm.^[6]

Gladri

• Kampffisch betta splenden

• Betta cambodian

• Double tail betta

• Hector betta splendens

• Betta splenden

• Ikan cupang petarung

Cathetan suku