La Kaŝtana parulio, Dendroica castanea , estas malgranda paserina birdo de la familio de Paruliedoj de Ameriko kaj granda genro de Dendroica. Ili reproduktiĝas en norda Nordameriko, ĉefe en Kanado, en la regiono de la Grandaj Lagoj kaj en norda Nov-Anglio.
Tiuj birdoj estas migrantaj, kiuj vintras en nordokcidenta Sudameriko kaj suda Centrameriko. Ili estas tre raraj vagantoj en okcidentan Eŭropon.
Tiu specio estas tre proksima rilata al la Stria parulio, sed tiu specio havas pli sudan reproduktan teritorion kaj pli nordan vintran areon.
Somera masklo de Kaŝtana parulio estas nekonfuzebla. Ĝi havas grizan dorson striecan je nigro, entere nigran vizaĝon kaj brunajn kronojn, flankojn kaj gorĝojn. Ĝi havas ankaŭ brilflavan kolnukzonon kaj la subaj partoj estas blankecaj. Ili havas ankaŭ du blankajn flugilstriojn. Ankaŭ la beko kaj la okuloj estas nigraj. Estas la ununura parulio kiu montras tiom da bruna koloro, kio nomigas la specion kaj en Esperanto kaj en la latina scienca nomo.
Reproduktanta ino esence similas al eluzita versio de masklo. Ino estas grizeca supre kaj blanka sube, kun multe pli malforta kapobildo. Ino havas nur malgrandajn brunajn markojn nur en flankoj, kvankam videblas ankaŭ ioma nuanco en ŝia griza krono.
Nereproduktuloj havas verdecajn kapojn kaj suprajn partojn kaj flavecajn brustojn. Flavo etendas al ventro ĉe junuloj. En ĉiu plumaro estas la du blankaj flugilstrioj. Tiuj birdoj diferenciĝas el nereproduktuloj de Stria parulio pro manko de brusta strieco.
La reprodukta habitato estas arbaroj de koniferoj. La Kaŝtana parulio nestumas en konifero; la ino demetas 3-5 ovojn en tasforma nesto. Ili demetas pli da ovoj en jaroj kiam abundas la Picea vermo.
Tiuj birdoj manĝas insektojn, kaj la nombroj de tiuj birdoj varis laŭ la abundo de la Spruce Budworm. Tiuj birdoj manĝas ankaŭ berojn kaj nektaron vintre.
La kantoj estas ripetaj altatonaj si si si.
New World Warblers de Curson, Quinn kaj Beadle, ISBN 0-7136-3932-6
La Kaŝtana parulio, Dendroica castanea , estas malgranda paserina birdo de la familio de Paruliedoj de Ameriko kaj granda genro de Dendroica. Ili reproduktiĝas en norda Nordameriko, ĉefe en Kanado, en la regiono de la Grandaj Lagoj kaj en norda Nov-Anglio.
Tiuj birdoj estas migrantaj, kiuj vintras en nordokcidenta Sudameriko kaj suda Centrameriko. Ili estas tre raraj vagantoj en okcidentan Eŭropon.
Tiu specio estas tre proksima rilata al la Stria parulio, sed tiu specio havas pli sudan reproduktan teritorion kaj pli nordan vintran areon.
