Bayağı Peçeli Baykuş

Ene hourete di clotchî (apiceye coixheye), les aiyes å lådje

Li hourete di clotchî ou houprale di clokî, ou blanke hourete, c' est on grand oujhea d' nute magneu d' tchå, tot blanc d' ploumaedje.

No d' l' indje e sincieus latén : Tyto alba

Discrijhaedje

Elle a ene blanke face et des grandès blankès aiyes, dipus d’ on mete lådje cwand ele vole.

Vicaedje

trô d' hourete, e l' Almagne

Fwait s’ ni dizo les panes ou les schayes. Mins i fåt on trô po rexhe (ene vite di gurnî spiyeye, ene bawete di clokî). Dins des payis k’ i gn a on leye ene bawete esprès dins les gregnes, po l’ hourete rexhe.

Ele rexhe a cmincî del vesprêye. Ele apice des soris et des rates. Kécfeye eto les djonnes di colons.

Come les ôtes oujheas d' proye, ele rinåde les restants des biesses k' elle a magnî. Ces boletes di rnådaedje la si rescontrèt la k' elle s' a metou a djok po "roemyî".

Ele hoûle saizixhanmint, come çouci: ^{aschoûtez lu}

Mopliyaedje

Djonnes

Li frumele pond cwate a set oûs. Li måye apoite l' amagnî e ni, sol tins ki l' frumele cove pu s' ocupe des djonnes.

Les djonnes ripoizèt so ene sipexheur di bolets dismantchîs, rindous pa leus parints.

Dins les viyès creyances

Dins les doûcès creyances did dinltins, elle esteut lomêye l’ oujhea del moirt. On l’ apicive et l’ clawer vicante sol poite del scheure (gregne).^[1]

Lomaedje dins des ôtes langues

E l' inglès, on l' lome "hourete di gregne".

E francès, "sibarante hourete".

Sourdants

1. ↑ Léon Demarche, Li houperale di clokî, La Wallonne, 4-2012.