Die leeranemoon (Heteractis crispa) is 'n anemoon en kom in die Indiese-Pasifiese area, Rooisee en die ooskus van Afrika tot by die noorde van KwaZulu-Natal voor. In Engels staan die anemoon bekend as die Leathery anemone.
Die anemoon het 'n omtrek van 500 mm by sy basis. Die taai tentakels word tot 100 mm lank en is spitstoelopend. Hulle kleure kan varieer: witterig, liggeel, bruin, blou of violet. Die tentakels is dig versprei oor die stam wat dit 'n mop voorkoms gee. Die anemoon heg homself aan die substraat op koraalriwwe vas tot op dieptes van 40 m.
Hulle is die gasheer vir anemoonvisse, dominos, garnale en krappe in simbiotiese verhoudings. Hierdie spesie kom algemeen voor.
Die leeranemoon (Heteractis crispa) is 'n anemoon en kom in die Indiese-Pasifiese area, Rooisee en die ooskus van Afrika tot by die noorde van KwaZulu-Natal voor. In Engels staan die anemoon bekend as die Leathery anemone.
