Pseudalopex

Ar genad Pseudalopex a zo ennañ ur strollad kigdebrerien bihan eus ar c'herentiad Canidae. “Louarn faos” e talvez e anv e gresianeg. An hini boutinañ anezho eo moarvat ar zorro gris.

Tostoc'h eo loened ar genad Pseudalopex ouzh ar chas eget ouzh al lern gwir.

Ar zorroed a vez hemolc'het en Arc'hantina evit o c'hroc'hen. Tamall e vez outo ivez tagañ an deñved, e gaou moarvat.

Spesadoù

6 spesad zo er genad-mañ :

• Kulpeo, Pseudalopex culpaeus
• Louarn Darwin, Pseudalopex fulvipes
• Zorro gris, Pseudalopex griseus
• Louarn ar pampa, Pseudalopex gymnocercus
• Louarn Sechoura, Pseudalopex sechurae
• Louarn Brazil, Pseudalopex vetulus

Daveoù

• Pseudalopex war Animal Diversity
• Nowak, Ronald M. (2005). Walker's Carnivores of the World. Baltimore: Johns Hopkins Press. ISBN 0-8018-8032-7