Blæölur (Alnus incana ssp. tenuifolia) er undirtegund Gráelris og er meðalstórt tré af birkiætt.
Lauffellandi, lítið tré eða stór runni (margstofna) með með hvelfda krónu, 7-10 m hátt. Ungar greinar lítið eitt hærðar í fyrstu, verða seinna hárlausar. Vetrarbrum rauð og með legg, hærð. Börkur grár til dökkgrár, verður rauðgrár með aldrinum og flagnar. Börkur og reklar eru uppspretta tanníns. Líkist vætuöl sem þó má þekkja á þykkari og hrukkóttari laufum með inngreyptum æðum.
Dökkur litur fæst úr berkinum og liturinn getur verið frá appelsínugulu yfir í rautt og brúnt. Viðurinn er sums staðar notaður sem eldiviður.
Það vex í vesturhluta Bandaríkjanna..
Finnst hérlendis og eru eintök í Grasagarði Reykjavíkur og Lystigarði Akureyrar. [2]
