Iris sibirica L.

Łučna škleńčica (Iris sibirica) je rostlina ze swójby škleńčicowych rostlinow (Iridaceae). Rostlina je škitana.

Iris sibirica

Wopis

Łučna škleńčica docpěje wysokosć wot 1 m (30-90 cm). Steji w hustych kerkach. Rostlina zwjetša njese 2 kćeni.

Stołpik je kulojty a njese 1 hač 3 kćenjow w pažach jeho hornje łopjenow.

Łopjena

Łopjena wupadaja trawojće, docpěja šěrokosć wot 2 hač do 5 cm (10 cm). Na pódźe stejace su krótše hač stołpik. Hornje łopjena su brune.

Kćenja

Kćěja wot meje hač julija. Kćenja su swětłomódrofijałkojte abo ćěmnomódrofijałkojte. Wonkowne kćenjowe łopjena su dele měrjene. Znutřkowne kćenjowe łopjena steja zrunanje a su tróšku swětliše hač wonkowne.

Płód je kapsla, kotraž docpěje dołhosć wot 5 cm.

Stejnišćo

Rosće na słanjowych łukach, bahnowych łukach, w na suchi kraj so přeměnjacych teritorijach a přirowach.

Rozšěrjenje

Łučna škleńčica je rozšěrjena wot Europy hač Japanskeje, ale je z městnami jara rědka abo faluje.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1stronje 173, 504.
2. ↑ W internetowym słowniku: Schwertlilie

Žórła

• GU Maxi-Kompaß Blumen, ISBN 3-7742-3852-9, strona 6 (němsce)
• GU Naturführer Blumen, ISBN 3-7742-1507-3, strona 6 (němsce)
• Seidel/Eisenreich: BLV Bestimmungsbuch Blütenpflanzen, ISBN 3-405-13557-5, strona 202 (němsce)

Eksterne wotkazy

Hlej wotpowědne dataje we Wikimedia Commons:
Sibirische Schwertlilie (Iris sibirica)

• Łučna škleńčica. W: FloraWeb.de. (němsce)