Sardinops sagax (Jenyns, 1842) é un peixe osteíctio mariño da familia dos clupeidos, dentro da orde dos clupeiformes, único representante do xénero Sardinops.
O xénero, Sardinops, deriva do de Sardina,[3] e da forma latina -ops, derivada do grego antigo ώψ óps, "vista", co significado de "parecido", "da mesma aparencia".[4]
O nome específico, sagax é un adxectivo latino, sagax, -acis, que significa "que ten o olfacto fino", "sagaz".[4]
Ten o corpo alongado e pode alcanzar os 39 cm de lonxitude, aínda que normalmente non pasa dos 20, e até 486 g de peso. A súa columna vertebral está composta de 48 a 54 vértebras. A aleta dorsal está sustentada por de 12 a 21 raios brandos, e a aleta anal, algo máis grande, conta con de 13 a 19 raios, así mesmo brandos. [4]
Distribúese polas costas do Pacífico, desde o sur de Alasca até a Terra do Fogo, polas illas da Micronesia, sueste asiático, desde a China até Indonesia, Nova Zelandia, Australia, por todas as costas do norte do océano Índico, desde Indonesia até o cabo da Boa Esperanza, e incluíndo as illas índicas, e polo Atlántico sur, dobrando este cabo, até o sur de golfo da Guinea.[5]
É un peixe mariño, peláxico-nerítico, oceanódromo.[6] propio dos mares de clima subtropical (augas de 9 °C a 21 °C; latitude de 61 °N a 47°S; loxitude de 145°W a 180 °E) que vive desde a superficie atá os 200 m de profundidade.[4][7]
Os individuos xuvenís aliméntanse principalmente de zooplancto (sobre todo copépodos), e os adultos de fitoplancton.[8]
A reprodución, como en todos os clupeidos, é ovípara, e os ovos son peláxicos, así omo as larvas.[9] Poden vivir até os 25 anos de idade.[8]
Non é de estrañar que unha especie que teña unha área de distribución tan ampla fora descrita en diversos puntos por diferentes autores, polo que, ademais dos sinónimos citados na caixa taxonómica ten os seguintes:[10]
Así como tamén moitos outros sinónimos vulgares:[11]
entre outros.
Sardinops sagax (Jenyns, 1842) é un peixe osteíctio mariño da familia dos clupeidos, dentro da orde dos clupeiformes, único representante do xénero Sardinops.
