Pysgod bychain olewog ydy Penwaig (Saesneg: Herring) sydd yn rhan o rywogaeth Clupea ac sydd i'w canfod yn nŵr bas tymherol Cefnfor Gogledd yr Iwerydd, a'r Môr Baltig, gogledd y Môr Tawel a Môr y Canoldir. Mae 15 math o benwaig, y mwyaf cyffredin yw Pennog yr Iwerydd (Clupea harengus). Mae penwaig yn symyd o gwmpas mewn heigiau enfawr, ac yn symyd i lannau Ewrop ac America yn y gwanwyn lle delir hwy, eu halltu a'u cochi mewn niferoedd mawr. Gall "sardînau" a welir mewn caniau mewn archfarchnadau yn aml fod yn gorbennog (sprat) neu'n Bennog Mair mewn gwirionedd.
