carnivores articles - Encyclopedia of Life

Carnivora ( Manx )

provided by wikipedia emerging languages

Ta'n oardagh Carnivora (ass Ladjyn carō (fraue carn-) "feill", + vorāre "ee") goaill stiagh harrish 260 dooie dy heeintee chrooagh. Gyn scansh da keeal ny focklyn, cha nel carnivoragh as eederyn foalley y red cheddin: cha nel dagh eeder foalley 'syn oardagh shoh. She oardagh feer eigysolagh t'ayn, eddyr Mustela nivalis (mysh 25g er trimmid as 11cm er lhiurid) as Mirounga leonina (wheesh as 5000kg as 6.9m er lhiurid). Ta carnivoree gee feill erskyn ooilley son y chooid smoo. Ta fir jeu (myr sampleyr, kiyt, skian-chassee as assagyn) nyn eederyn foalley eginagh, agh ta fir elley (myr sampleyr, raccoonyn as mucyn-awin) ooilley-eeagh. Ta'n maghouin Sheenagh ny lus-eeder son y chooid smoo, agh t'eh gee yeeastyn, oohyn as shey-chassee ny keayrtyn.

Mustela nivalis, y carnivoragh sloo

Mirounga leonina, y carnivoragh smoo

OARDAGH CARNIVORA
- Fo-oardagh Feliformia (cummey kiyt)
  - Kynney †Stenoplesictidae
  - Kynney †Percrocutidae
  - Kynney †Nimravidae
  - Kynney Nandiniidae: shivaid phalm Affrickagh
  - Far-chynney Feloidea
    - Kynney Prinonodontidae: linsangyn
    - Kynney †Barbourofelidae
    - Kynney Felidae: kiyt
  - Myn-oardagh Viverroidea
    - Kynney Viverridae: shivaidjyn
    - Far-chynney Herpestoidea
      - Kynney Hyaenidae: moddee gharaghtee as filliuyn thallooin
      - Kynney Eupleridae : carnivoree Vadagascagh
      - Kynney Herpestidae: kiyt injinagh
- Fo-oardagh Caniformia (cummey moddee)
  - Kynney †Amphicyonidae
  - Kynney Canidae: moddee
  - Myn-oardagh Arctoidea
    - Far-chynney Ursoidea
      - Kynney †Hemicyonidae: (2-22 mya)
      - Kynney Ursidae: mucyn-awin
    - Far-chynney Musteloidea
      - Kynney Ailuridae: Ailurus fulgens
      - Kynney Mephitidae: breinnagyn
      - Kynney Mustelidae: assagyn, kiyt villey, brockyn, gluttynyn, assagyn rangagh, kiyt ny giark, as moddee ushtey
      - Kynney Procyonidae: raccoonyn
    - Far-chynney Pinnipedia
      - Kynney †Enaliarctidae
      - Kynney Odobenidae: coo ny marrey
      - Kynney Otariidae: raunyn cleayshagh, raunyn fynnagh
      - Kynney Phocidae: feer raunyn

provided by wikipedia emerging languages

Ta'n oardagh Carnivora (ass Ladjyn carō (fraue carn-) "feill", + vorāre "ee") goaill stiagh harrish 260 dooie dy heeintee chrooagh. Gyn scansh da keeal ny focklyn, cha nel carnivoragh as eederyn foalley y red cheddin: cha nel dagh eeder foalley 'syn oardagh shoh. She oardagh feer eigysolagh t'ayn, eddyr Mustela nivalis (mysh 25g er trimmid as 11cm er lhiurid) as Mirounga leonina (wheesh as 5000kg as 6.9m er lhiurid). Ta carnivoree gee feill erskyn ooilley son y chooid smoo. Ta fir jeu (myr sampleyr, kiyt, skian-chassee as assagyn) nyn eederyn foalley eginagh, agh ta fir elley (myr sampleyr, raccoonyn as mucyn-awin) ooilley-eeagh. Ta'n maghouin Sheenagh ny lus-eeder son y chooid smoo, agh t'eh gee yeeastyn, oohyn as shey-chassee ny keayrtyn.