Die gouekers of Pachystachys lutea is ’n subtropiese, immergroen struik met ’n sagte stam wat 90 tot 120 cm hoog word. As hulle groter word, kan hulle slordig lyk.
Dit is ’n gewilde landskapplant in tropiese en subtropiese streke en ’n huisplant elders.[1] Dit groei in feitlik enige goed gedreineerde grond, maar soos die meeste sierplante verkies dit grond met ’n suurreaksie. In dié omstandighede is hulle op hul grootste en kleurrykste. Dit hou ook van baie lig.
Die kortstondige wit blomme groei tussen heldergeel skutblare aan trosse wat deur die warm maande gedy. Die blare is donkergroen, ovaalvormig en puntig. As dit in die lente gesnoei word, kan die plant jare lank mooi bly.
As blomme verrot of afval, is daar te min ventilasie. Dowwe blare kan dui op ’n voedseltekort of te nat of koue toestande.[2]
Wikimedia Commons het meer media in die kategorie Gouekers.
Wikispecies het meer inligting verwant aan: Gouekers
Hierdie artikel is vertaal uit die Engelse Wikipedia
Die gouekers of Pachystachys lutea is ’n subtropiese, immergroen struik met ’n sagte stam wat 90 tot 120 cm hoog word. As hulle groter word, kan hulle slordig lyk.
