Хоёр хайрст цахилдаг - (лат. Iris biglumis), (орос. Касатик двучешуйный)
Өтгөн шигүү үндэс бүхий үндэслэг иштэй, том дэгнүүл үүсгэдэг, 30-40 см өндөр олон наст ургамал. Үндэс орчмоосоо багсайж гарсан навчнууд нь навчныхаа угларганы үлдэгдэлээр нягт хучигдмал байна. Хатуу, хөхөвтөр ногоон шугаман илд юмуу сэлэм хэлбэртэй навч нь ишнээсээ урт байдаг. Хөхөвтөр ягаан өнгийн цэцэгтэй.
Ойт хээр, хээрийн бүсэд өргөн тархсан ургамал. Ул хөрсний ус харьцангуй ойролцоо байдаг булаг, гол мөрөн, нуурын эрэг, мөн эрэг дагасан хужирлаг нуга газраар ургадаг.[1]
