Potentilla tabernaemontani l'è 'na spéce erbàcea del zèner Potentilla, inserìt endèla famìa de le Rosaceae. L'è 'na piànta de urìgin Europèa e che crès en ambièncc sèch, pridùs e calcàrei, endèi pracc, en bànda a le stràde e 'ndèle scarpàde.
L'è 'na piànta rüstega, che rèsta bàsa e va dré al teré, de sòlet la se àlsa mìa de piö de 15 ghèi de tèra. Le fòie i è pilùze, palmàde, dividìde en segmèncc come dicc, de sich a sèt, co l'òrlo capetàt. La g'ha stìpole lineàre o linear-triangolàr. I fiùr i g'ha 'n calizì furmàt de segmèncc lanceolàcc, per lo piö piö cürcc che i sépali. Chèsti i è a fùrma de öf e 'n nömer de 5. I sich pétali zalcc i è più lónch dei sépali. El fröt l'è 'n achénio rügus. La fiorés al prensépe de la primaéra.
Potentilla tabernaemontani l'è 'na spéce erbàcea del zèner Potentilla, inserìt endèla famìa de le Rosaceae. L'è 'na piànta de urìgin Europèa e che crès en ambièncc sèch, pridùs e calcàrei, endèi pracc, en bànda a le stràde e 'ndèle scarpàde.