El ficus drupacea, tamién llamáu ficus mysorensis, ficus payapa o figal de Mysore, ye un árbol que pertenez a la familia de les moraceas, xéneru ficus. Ye nativu de China, India, Indochina, Nepal, Filipines y nordés d'Australia. Fora de les sos rexones d'orixe puede atopase como árbol ornamental en parques y xardinos de munchos llugares, incluyíu España, anque nun ye una especie bien avezada.
Ye un árbol siempres verde con fueyes perennes y coriacees que permanecen mientres tol añu. Puede llegar a los 15 metros d'altor, nun presenta apenes raigaños aéreos a diferencia d'otres especies de ficus. La corteza tien un tonu grisaceo claru y ye de superficie llisa.
Les fueyes son grandes de 10 - 20 cm de llargu y 4 - 8 cm d'anchu, tienen forma ovobada o elíptica y terminen sópito nun ápiz acumináu de menos d'un cm de llargor, ente que la base ye arredondiada o subcordada. Tienen ente 12 y 15 pares de nervios prominentes sobremanera nel viesu. El peciolu mide ente 1 y 4.5 cm de llargu.
Los frutos que se llamen siconos como en tolos ficus, dispónense solitarios o por pares nes axiles de les fueyes, non en forma de recímanos, son sesiles, ye dicir escarecen de pedúnculu que si ta presente n'otres especies. Pueden midir hasta 4.3 x 2.5 cm, son glabros y de color anaranxáu que va convirtiéndose en púrpura escuru cuando maurecen.
Na medicina tradicional úsase como tónicu y astrinxente en diabetes, disentería y hemorraxes.[1]
Foi descritu pa la ciencia pol botánicu Carl Peter Thunberg, discípulu de Linneo, na so obra Ficus genus, dissertatione botanica (1786).[2][3] [4]
Ficus: nome xenéricu que se deriva del nome dáu en latin al figu.[6]
drupacea: epítetu llatín que significa "con drupa".[7]
.
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. El ficus drupacea, tamién llamáu ficus mysorensis, ficus payapa o figal de Mysore, ye un árbol que pertenez a la familia de les moraceas, xéneru ficus. Ye nativu de China, India, Indochina, Nepal, Filipines y nordés d'Australia. Fora de les sos rexones d'orixe puede atopase como árbol ornamental en parques y xardinos de munchos llugares, incluyíu España, anque nun ye una especie bien avezada.
