Croaker

Prinitos na abo

Binadi nang abo

Sira' na abo, la'bas

An ábo (Otolithes ruber(Bloch & Schneider, 1801); Ingles, Tigertooth croaker) sarong klaseng sira napipisan sa pamilya Sciaenidae. Igdi sa Filipinas, an kadakulan kan sirang ini nakukua sa katubigan kan probinsyang Camarines Sur, orog na sa Sola' nin San Miguel. Nabibistong gayo an sirang ini huli sa biti' (Ingles, swim bladder) kaini na paboritong pritoson bilang maragamong somsoman.^[1]

Distribusyon

An ábo lakop sa Indo-Solnopan Pasipiko: Sulnupang Afrika, kaiba an Madagaskar (pero mayo sa Dagat na pula), pasiring subangan asin abot sa habagatan kan Tsina asin sundo sa Queensland, Australya.^[2]

Pagkadakula

Pag ini gurang na, an abo naabot 90.0 sentimetro sa pinakagabat na timbang na 7.00 kilogramo. Natala na sa rekord na ini naabot sa edad na limang taon ^[3]

Pagkakan

An abo sa pag'andam, ginigibong badi, prinipritos, ginigibong sarsiado o bangot man sa mga ginutaan na giso.

Toltolan