Риба-лав (Pteroinae) e една од неколкуте видови на отровни морски риби од родот Pterois, Parapterois, Brachypterois, Ebosia или Dendrochirus, од фамилијата Scorpaenidae. Отровната риба-лав исто така e позната и како Риба-змеј и Риба-мисирка.[1] несомнено е една од најспектакуларните членови од родот Риба-шкорпја. Рибата лав ја карактеризираат впечатливо долгнавестите и тенки перки кои на краевите се тенки како игла, секоја од овие перки е поврзана со отровната кесичка на рибата-лав. Доколку ѝ се заканува опасност од некој предатор или пак е допрена од човек, нејзините перки реагираат како поткожни игли инјектирајќи отров врз натрапникот. Раскошните и долги перки генерално имаат шаренолик изглед, начесто со комбинација на црвена, кафена, портокалова, жолта, црна, костенлива и/или бела боја.
Природно живеалиште на рибата-лав е Индо-Пацифичкиот регион на нашата планета, но различни видови можат да се сретнат и на други места во светот. Поради нејзината популарност во последно време рибата-лав често пати е забележана и во топлите води на исток во Атланскиот океан и Карипското море. Рибите-лав припаѓаат на таканаречените инвазивни видови во Атланскиот океан и на Карипското море. [2] Успешно размножување на рибата лав во услови на заробеништво се уште не е познато.
Вообичаената големина на рибата-лав генерално достигнува должина од 30-35 цм. Најмалата риба-лав (нпр. Пердувестото џуџе) обично е голема колку едно тениско топче (не вклучувајќи ги перките). Постојат многу видови на риба-лав кои се со различна големина.
Рибата-лав има отровни перки кои се смртоносни за нивниот плен, но обично не и за луѓето. Доколку се случи отровот да стигне во човековиот организам, човекот со сигурност ќе претрпи силни болки, а возможни се и главоболки и повраќање. Вообичаен третман е исшмукување на отровот од зафатеното место во топла вода, бидејќи многу е мал бројот на болници во кои постојат специјални третмани. Но, итна медицинска помош е најпожелна бидејќи некои луѓе се поосетливи на отровот од други.
Рибите-лавови се лукави предатори. Додека ловат тие го стеснувааат просторот за бегство на пленот користејќи се со нивните долги перки и го користат нивното брзо и рефлексно движење за да го проголтаат одеднаш целиот плен.
Во поставувањето на првите сцени за популарниот серијал на филмови, Гол Пиштол, Лудвиг го запознава Дребин со неговата "Јапонска Боречка Риба". Таквите риби и не постојат, всушност рибата што се појавува на сцената е рибата-лав. Интересно е тоа што рибата-лав во филмот го каснува Дребин, и покрај тоа што највообчаениот начин на напад во одбрана рибата-лав би го извршила со боцкање и инјектирање на отров врз предаторот.
Во Ѕвездени патеки: Идната генерација, Капетанот Жан-Лук Пикард во специјален аквариум чува риба-лав по име Ливингстон, аквариумот е лоциран во аголот од подготвителната соба веднаш до контролниот прозор. Ливингстон патува во Ентерпрајз-Д за време на целиот серијал.
Рибата-лав исто така може да ја видиме и во филмот Ѓус Биголоу: Машки жиголо каде што е преставена како најскапоцена риба во огромиот аквариум. За жал на крајот сепак завршува само како добар коктел.
Риба-лав (Pteroinae) e една од неколкуте видови на отровни морски риби од родот Pterois, Parapterois, Brachypterois, Ebosia или Dendrochirus, од фамилијата Scorpaenidae. Отровната риба-лав исто така e позната и како Риба-змеј и Риба-мисирка. несомнено е една од најспектакуларните членови од родот Риба-шкорпја. Рибата лав ја карактеризираат впечатливо долгнавестите и тенки перки кои на краевите се тенки како игла, секоја од овие перки е поврзана со отровната кесичка на рибата-лав. Доколку ѝ се заканува опасност од некој предатор или пак е допрена од човек, нејзините перки реагираат како поткожни игли инјектирајќи отров врз натрапникот. Раскошните и долги перки генерално имаат шаренолик изглед, начесто со комбинација на црвена, кафена, портокалова, жолта, црна, костенлива и/или бела боја.