Die Tarentaal-bontpaling (Gymnothorax meleagris) is 'n bontpaling wat wydverspreid voorkom in die Stille en Indiese oseane en aan die ooskus van Afrika suidwaarts tot by die noorde van KwaZulu-Natal. In Engels staan die vis bekend as die Guineafowl moray of die White-mouth moray.
Die bontpaling word tot 120 cm lank. Die kop en lyf is donkerbruin met klein, wit kolletjies met donker rante wat dig verprei is oor die lyf. Die binnekant van die mond is wit. Hierdie bontpaling is sku en skuil in gate en skeure in koraalryke water wat 1 tot 35 m diep is. Hulle is alleenlopers en word soms gesien waar die kop by die skuiling uitsteek.
Die bontpaling is bedags en snags aktief en vreet klein vissies en krappe.
Die Tarentaal-bontpaling (Gymnothorax meleagris) is 'n bontpaling wat wydverspreid voorkom in die Stille en Indiese oseane en aan die ooskus van Afrika suidwaarts tot by die noorde van KwaZulu-Natal. In Engels staan die vis bekend as die Guineafowl moray of die White-mouth moray.
