Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
El soterrey castañu, cucarachero riberanu, charralero cabecinegro, cerrica cabecipinto o mura de cabeza negra[2] (Cantorchilus nigricapillus) ye una especie d'ave de la familia Troglodytidae, que s'atopa en Colombia, Costa Rica, Ecuador, Nicaragua y Panamá.[1]
Vive nes carbes a lo llargo de quebraes o llagunes y n'árees montiegues y cantos del monte, per debaxo de los 1.000 m de altitú.[3]
En promediu mide 14,5 cm de llargor y pesa 14 g. El plumaxe ye castañu acoloratáu ablondu, fondu nes partes cimeres, más pálidu per debaxo. La corona, frente y mexelles son negres, con llurdios blancos qu'oldeen na área loreal, los párpagos y los auriculares. Presenta llista malar blanca enmarcada con negru y gargüelu blancu. Les nales, la cola y les coberteras infracaudales tienen un abondosu barreteado negru. L'iris ye castañu. La mexella ye negra, el quexal ye gris claro con punta negra. Les pates son fuscas.[3]
Aliméntase d'inseutos y arañes que busca ente la xamasca, les refugayes colgantes de les cañes o'l marayu de bejucos.[3]
Constrúi, con material vexetal, un nial sobre la horqueta d'una caña a un altor de 2 a 5 m del suelu, con forma de retorta, col so tubu d'entrada curtiu. La fema pon 2 a 3 güevos blancos, con mancha color castañu acoloratáu.[3]
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. El soterrey castañu, cucarachero riberanu, charralero cabecinegro, cerrica cabecipinto o mura de cabeza negra (Cantorchilus nigricapillus) ye una especie d'ave de la familia Troglodytidae, que s'atopa en Colombia, Costa Rica, Ecuador, Nicaragua y Panamá.
