Platalea Linnaeus 1758

Халбаган хошуут нь урт хөлтэй, том биет, ус гатлагч шувуу бөгөөд Threskiornithidae овог юм.

Евразийн халбаган хошуут Platalea leucorodia Энэтхэгт.

Эдгээр шувууд нь бүгд өргөн хавтгай халбага мэт хошуутай ба гүехэн ус гатлан явж хагас онгойлгосон хошуугаар ус самнан хоол тэжээл хайна. Усны ямар ч жижиг шавьж, загас жараахай хошууных нь дотор талд таархад түргэн хамхин барьдаг байна.

Ихэнх зүйл халбаган хошуут мод, зэгсэнд үүрлэх ба голдуу дэглий, билүүс хошуут? зэрэг шувуутай ойр хамт байх аж. Эрэгчин нь үүр барих иш мөчир цуглуулж авчран, эмэгчин нь том хүнхэр, эсвэл хавтгайдуу үүр засдаг. Голдуу 3 ш зууван, цагаан өндөг гаргаж хоёул ээлжлэн дарна. Дөнгөж өндөгнөөс хагарсан дэгдээхэй нүдээ нээгээгүй байх ба хошуу нь богино, шулуун байж нас бие гүйцээд сая халбага мэт хэлбэрээ олдог байна.

Зүйлүүд

2 төрлийн 6 зүйл бий.

• Евразийн халбаган хошуут (Platalea leucorodia): Африк, Европ, Ази гээд хамгийн өргөн тархсан зүйл.
• Хар нүүрт халбаган хошуут (Platalea minor): Тайвань, Хятад, Солонгос, Японд таарна.
• Африк халбаган хошуут (Platalea alba): Африк болон Мадагаскарт.
• Хаан халбаган хошуут (Platalea regia): Австрали, Шинэ Зеланд, Шинэ Гвиней, Индонез болон Номхон далайн арлуудад.
• Шар халбаган хошуут (Platalea flavipes):Австралид.
• Ягаан халбаган хошуут (Platalea ajaja эсвэл Ajaia ajaja): Өмнөд Америк, АНУ-д нутаглана.