Larch

Lariko estas holarktisa kaj orientalisa genro de pinacoj. Ĝi havas ruĝbrunan lignon valoran kaj longdaŭran. La ligno enhavas multan tanan acidon (taninon) kaj pro tio ĝi estas akvorezista (uzata en ŝipkonstruado, akvaj konstruaĵoj). La lariko estas falfolia arbo.

Specioj

Malnova mondo (Eŭrazio)

• Eŭropa lariko Larix decidua (sin. L. europaea); Montoj de centra Eŭropo.
• Daura lariko Larix gmelinii (sin. L. dahurica, L. olgensis); Stepoj de orienta Siberio.
• Himalaja lariko Larix griffithii (sin. L. griffithiana); Montoj de orienta Himalajo.
• Langtanga lariko Larix himalaica; Montoj de centra Himalajo.
• Japana lariko Larix kaempferi (sin. L. leptolepis); Montoj de centra Japanio.
• Tibeta lariko Larix kongboensis; Montoj de sudorienta Tibeto, nordoriente de L. griffithii.
• Mastersa lariko Larix mastersiana; Montoj de okcidenta Ĉinio.
• Ĉina lariko Larix potaninii; Montoj de sudokcidenta Ĉinio (Siĉŭano, nordaJunano), Nepalo.
• Princ-rupreĥta lariko Larix principis-rupprechtii; Montoj de norda Ĉinio (Ŝanŝjio, Hebejo).
• Siberia lariko Larix sibirica; Tajgoj de okcidenta Siberio.
• Junana lariko Larix speciosa; Montoj de plej sudokcidenta Ĉinio (sudokcidenta Junano), nordorienta Birmo.

Nova Mondo (Nordameriko)

• Orienta lariko Larix laricina. Arbaroj de norda Nordameriko.
• Monta lariko Larix lyallii; Montoj de nordokcidenta Usono kaj sudokcidenta Kanado, tre alte en la montoj.
• Okcidenta lariko Larix occidentalis; Montoj de nordokcidenta Usono kaj sudokcidenta Kanado, malpli alte ol Larix lyallii.

Vidu ankaŭ

• Falsa lariko