La caparina del yérbadu, Charaxes jasius ye una especie de lepidópteru ditrisio de la familia Nymphalidae. Atópase nes rexones de la mariña mediterránea de la península Ibérica, islles mediterránees y norte d'África. Les sos canesbes aliméntense del árbol yérbadu, d'ende vien-y el nome.[1][2][3]
Les canesbes d'esta caparina son allargaes, de color verde. Carauteurícense por unos seis protuberancies na parte cimera de la cabeza, similares a cuernos. La pupa tamién ye de color verde. Los imagos tienen la cabeza pequeña con grandes güeyos y antenes de medianu tamañu, un tórax de color blancu, negru y marrón acoloratao y un pequeñu abdome de color gris. La parte interior de les ales presenta franxes de color negru, naranxa y mariellu. La parte esterior presenta dibuxos complexos, alternando colores blancu, negru, naranxa y marrón acoloratao, y con unos ocelos nes ales posteriores. Los machos algamen 65-75 mm de valumbu alar y les femes 75-90 mm.[4]
Les canesbes aliméntense de Sorghum roxburghii, Lonchocarpus cyanescens, especies de Cassine y de Arbutus unedo.[5]
Pupa
La caparina del yérbadu, Charaxes jasius ye una especie de lepidópteru ditrisio de la familia Nymphalidae. Atópase nes rexones de la mariña mediterránea de la península Ibérica, islles mediterránees y norte d'África. Les sos canesbes aliméntense del árbol yérbadu, d'ende vien-y el nome.
