Ardea alba modesta ye una subespecie d'ave pelecaniforme na familia Ardeidae. Foi descrita per primer vegada pol ornitólogu británicu John Edward Gray en 1831.[2]
Anque un estudiu en 2005 argumentó a favor considerala una especie separada,[2] la mayoría de los taxónomos siguen considerar una subespecie.
Mide ente 83–103 cm de llargor y pesa ente 0,7–1,2 kg, tien tol plumaxe blancu. El so picu ye mariellu na dómina de reproducción y negru n'otres dómines, y les sos llargues pates son de color coloráu o negru. El colores de les partes desnudes camuden mientres la dómina de reproducción. El plumaxe nupcial tamién se caracteriza por plumes llargues nel pescuezu y una área facial verde.[2]
Tien una amplia distribución n'Asia y Oceanía, con poblaciones reproductores en Paquistán, India, Sri Lanka, Bangladex, Myanmar, Tailandia, China, Corea, nordés de Russia, Xapón, Indochina, Indonesia, Nueva Guinea, les Islles Salomón, Australia y Nueva Zelanda. Reproduzse al traviés d'Australia, pero namái en rares ocasiones nel suroeste del continente o nel interior secu.[3] Les colonies más grandes dientro d'Australia tán en Top End y Channel Country, que puede cuntar dellos miles de pareyes.[2] El páxaru ye un visitante pocu común na seronda ya iviernu en Tasmania.[4]
La so dieta inclúi vertebraos como pexes, xaronques, pequeños reptiles, pequeños páxaros y royedores, ya invertebraos como inseutos, crustáceos y moluscos.[2]
De cutiu reproduzse en colonies con otres garces, garcetes, mobeyes, espátules ya ibis. El nial ye una amplia plataforma plana de cañes seques y palos con una cuenca pocu fonda pa los güevos y críes. La niarada consiste de dos a seis güevos de color azul-verde pálidu. Son de forma ovalada y miden 52 x 36 mm.[3]
Ardea alba modesta ye una subespecie d'ave pelecaniforme na familia Ardeidae. Foi descrita per primer vegada pol ornitólogu británicu John Edward Gray en 1831.