La korfolia alno aŭ latine Alnus cordata ankaŭ nomata itala alno, estas specio de foliarbo el la genro Alno (Alnus) en la familio Betulacoj (Betulaceae).
La korfolia alno estas arbo kiu atingas alton de ĉ. 27 m. Ĝi kreskas al regula konusforma krono, kiu estas relative densa. La folioj estas malhelaj kaj brilaj kaj similas al la folioj de pirarbo; ili havas grandecon de 5 × 5 ĝis 8 ×7 cm. Ĉe la rando la folio havas dentojn. Sur la malspra folisurfaco estas en la eĝoj de la nervuroj bone videblaj faskoj de oranĝkoloraj haroj. Junaj folioj somere havas oranĝkoloran nuancon.
La korfolia alno relative forte kreskas kaj povas atingi altecon de 15 m ene de 20 jaroj.
Tiu alno hejmiĝas en suda Italujo kaj Korsiko.
La korfolia alno aŭ latine Alnus cordata ankaŭ nomata itala alno, estas specio de foliarbo el la genro Alno (Alnus) en la familio Betulacoj (Betulaceae).
