A dos tupaíidos (Tupaiidae) é unha familia de mamíferos placentarios, unha das dúas que comprende a orde dos escandentios (a outra é a dos ptilocércidos).[1]
A familia contén catro xéneros e 19 especies,[2] coñecidas vulgarmente na bibliografía internacional como tupaias,[3] ou musarañas arborícolas,[4] pequenos mamíferos arborícolas e aspecto primitivo similares en aparencia aos esquíos, que viven actualmente nas selvas do sueste asiático.[5] Porén, trátase do grupo máis próximo aos primates, despois dos dermópteros.
A familia foi descrita en 1825 polo naturalista inglés John Edward Gray na páxina 339 do seu traballo "An outline of an attempt at the disposition of the Mammalia into tribes and families with a list of the genera apparently appertaining to each tribe". Ann. Philos. (ns) 10: 337-344.[2]
O nome científico da familia, Tupaiidae, fórmase, como é habitual, sobre a base do xenitivo do nome do seu xénero tipo, neste caso Tupaia, engadíndolle a desinencia do latín científico -idae, propia dos nomes das familias de animais.
Tupaia deriva deriva do malaio tupai "esquío" ou "pequeno animal que semella un esquío".[6]
Ademais de polo nome de Tupaiidos, este grupo, ao longo do tempo, foi coñecido polos seguintes sinónimos,[2] (non todos son nomes de familia):
Segundo Mammals Species of the World, a familia comprende catro xéneros,[2] coas seguintes especies:
Os membros desta familia (así como os da outra da orde) consideráronse, en primeira instancia, como insectívoros,[7] e máis tarde foron incluídos na orde dos primates, sobre a base de certas similitudes anatómicas con estes como, por exemplo, a estrutura do cerebro,[5] e clasificados como prosimios primitivos.[2]
Porén, recentes estudos filoxenéticos moleculares puxeron de manifesto que os tupaias deben de ter a mesma categoría taxonómica (orde) que os primates, dentro do clado dos Euarchonta, que inclúe tamén aos dermópteros. De acordo con estes estudos, Euarchonta é o grupo irmán dos Glires (Lagomorpha + Rodentia), e Euarchonta + Glires forman o clado de rango superior Euarchontoglires.[8]
Porén, propuxéronse outras relacións entre ditas ordes.[9]
Scandentia
A dos tupaíidos (Tupaiidae) é unha familia de mamíferos placentarios, unha das dúas que comprende a orde dos escandentios (a outra é a dos ptilocércidos).
A familia contén catro xéneros e 19 especies, coñecidas vulgarmente na bibliografía internacional como tupaias, ou musarañas arborícolas, pequenos mamíferos arborícolas e aspecto primitivo similares en aparencia aos esquíos, que viven actualmente nas selvas do sueste asiático. Porén, trátase do grupo máis próximo aos primates, despois dos dermópteros.
