Monetaria annulus (Linnaeus 1758)

Monetaria annulus a zo unan eus ar pemp spesad a vez renket er genad Monetaria e kerentiad an hoc'higed-mor hervez Word Register of Marine species WORMS^[1]. Ur spesad kregin boutin-tre ma n'eo ket ar brudetañ e-touesk ar Cypraeidae an hini eo.

Taksonomiezh

Diskrivet eo bet ar spesad gant Linnaeus e 1758 dindan an anv genad Cypraea.^[2]

Heñvelanvioù a zo hervez an diskriverien evit ar spesad-se daoust d'an anv Monetaria annulus o vezañ implijet un tamm muioc'h eget ar re all:

• Cypraea annulus Linnaeus, 1758 anv an diskrivadenn hag hervez ar re a renk an holl spesadoù Cypraeidae er spesad nemetañ Cypraea.
• Erosaria annulus (Linnaeus, 1758) anv aet da get.
• Cypraea annularis Perry, 1811 anv aet da get.
• Ornemetaria annulus (Linnaeus, 1758) anv aet da get.

Bevoniezh

Kregin brav eo an Monetaria annulus. Kavet e vezont tost-tre eus an aod a-wechoù deus an deiz war a bep seurt skoroù, traezh, reier, korailh etre live an izel mor ha nebeut metroù donder.

Loen bev Monetaria annulus Gwalenn aour E benn a zo en tu gleiz gant ar brechioù, an daoulagad hag ar sifon.

Ment

Mentoù boutin ar c'hregin bihan-se a zo etre 17 ha 25 mm hirder, met e c'hell bezañ kavet hiniennoù korrig betek 8 mm gour, pe ramz, betek 40 mm.

Gwelout ivez

Monetaria moneta ha Monetaria obvelata daou spesad tost a-walc'h.

Kartenn al lec'hioù bevañ

Lec'h bevañ ar spesad a zo er meurvorioù Indez hag Habask. Er mor Ruz e vez kavet anezhañ ivez. E Polinesia ne vez ket kavet ken hag ez eus en e blas ar spesad tost Monetaria obvelata

Implijoù

Abalamour d'o bravantez, kement hag ar c'hementadoù bras anezho a c'helle bezañ kavet aes a-walc'h gant pobloù aodoù Afrika ar reter eo bet dastumet hag implijet kalz ar c'hregin-se evit talvezout a arc'hant evel pezhioù moneiz pe evit sevel troioù-gouzout ha bravigoù all hag ivez evit kinklañ objedoù hengounel evel maskloù hag all e kalz broioù Afrika,lod anezho pell-tre eus lec'h bevañ ar c'hregin-se.

• Un dornad hoc'higed-mor gwalenn aour ha pezhioù santimoù euroioù da genveriañ

• Ti ar penn, objet hengounel Yoruba eus Nigeria e Mirdi Brooklyn

• Delwennig hengounel Yoruba eus Nigeria goloet gant kregin hoc'higed-mor gwalenn aour

• Tok hengounel Kuba eus Kongo e Femrbanks Museum of National History

• Tro-vrec'h gant kregin gwriet eus pobl Samo eus Burkina Faso e Mirdi Tropenmuseum, Amsterdam, Broioù izel

• Un dornad hoc'higed-mor gwalenn aour

• Radiografiezh kregin Monetaria annulus.

• Diaz Monetaria annulus

• Kein Monetaria annulus gant e walenn aour

• Beg Monetaria annulus

• Diabarzh Monetaria annulus kostz ar beg ur wech troc'het

• Diabarzh Monetaria annulus o tiskouezh an ahel enrollañ

• Monetaria annulus didroc'het e gein

Notennoù