Mygalomorphae, etiam Orthognatha appellata, sunt infraordo aranearum. Nomen scientificum ab habitu dentium deducitur, qui deorsum aspectant et inter se non adversantur (contra araneomorphas).
Hic grex nonnullarum familiarum araneas comprehendit corporis gravis crurumque crassorum, vulgo tarantulas appellatas cum atracinis, araneis Australasiae.
Paene omnibus speciebus mygalomorpharum sunt oculi octo, sed nonnullis sunt pauciores (Masteriae lewisi sunt solum sex). Chelicerae et dentes sunt magni et fortes, glandulis veneni praediti omnino intra cheliceras.
Maximae orbis terrarum araneae sunt mygalomorphae: Theraphosa blondi (Latreille 1804) est longitudo corporis 10 cm et latitudo crurum 28 cm; nonnullae autem species sunt minus quam unum millimetrum longae.
Mygalomorphae, dissimiles araneomorpharum, quae post unum fere annum moriuntur, vivere possunt usque ad viginti quinque annos.
Plurimi araneae huius infraordinis in regionibus tropicis et subtropicis habitant, sed distributio extendere potest ad septentriones in meridianas et occidentales Civitatum Foederatarum regiones. Nonnullae species in Europa inveniuntur, familiarum Atypidarum, Nemesiidarum, Ctenizidarum, Hexathelidarum, Theraphosidarum, et Cyrtaucheniidarum, una solum duodecim species. Mygalomorphae autem fortasse per omnem orbem terrarum ante dissolutionem Pangaeae habitabant (Selden et al., 2005b).
Vide "mygalomorphas" apud Vicispecies. 
Haec stipula ad arachnidum spectat. Amplifica, si potes! Mygalomorphae, etiam Orthognatha appellata, sunt infraordo aranearum. Nomen scientificum ab habitu dentium deducitur, qui deorsum aspectant et inter se non adversantur (contra araneomorphas).
