Galerina marginata, ye una especie de fungu basidiomiceto venenoso, del xéneru Galerina, de la familia Strophariaceae.[2]
Los cuerpos granibles atópense sobre'l terrén de los montes de coníferes y montes caducifolios del hemisferiu norte, n'América del Norte, Europa, Asia, Xapón y amás atopáronse exemplares n'Australia.
El pileu ye primeramente convexu a cónica, depués col maduror faise más convexu y esplanáu, dacuando irregularmente. Esto puede xenerar ondulaciones nel sombreru, que puede algamar hasta 4 cm de diámetru.
L'fungu tien un nidiu color amarronáu, la superficie ye mafosa d'aspeutu grasu, l'estipe ye de color marrón claru y puede midir hasta 6 centímetros de llongura por 9 milímetros d'anchu.
Galerina marginata ye un fungu bien venenosu porque contién Amatoxinas: un grupu de tóxicos potentísimos que son tamién responsables de los envelenamientos más graves producíos por munches cogordes de los xéneros Amanita y Lepiota.
Les Amatoxines son péptidos cíclicos que inhiben la enzima ARN polimerasa II ya interfieren con delles funciones celulares. Los primeros síntomes d'envelenamientu apaecen de 6 a 24 hores dempués del consumu, siguida d'un periodu d'aparente ameyoramientu, de siguío, polos síntomes del fégadu y la insuficiencia renal la muerte de quien la peracaba apuerta al cuartu día.
Galerina marginata, ye una especie de fungu basidiomiceto venenoso, del xéneru Galerina, de la familia Strophariaceae.