Жолтиот поштар (Colias croceus) е пеперуга од семејството на пеперуги Белци.[2] Пеперугата ја има и во Македонија.
Сите овие напоменати форми се сметаат за синоними на жолтиот поштар.[1]
Жолтиот поштар е еден од најраспространетиот вид во Европа. Пеперугата се наоѓа во Северна Африка, голем дел од Европа, а во Азија живее до Сибир. Ја нема во Источна и Централна Азија.[2][6]
Оваа пеперуга е позната по својата миграција низ Европа и околните региони, особено по масовната миграција, најчесто при парење.
Овие пеперуги живеат во отворени простори, ливади, крајбрежни сртови и полиња. Пеперугата живее на надморска височина до 1600 метри.[4][7]
Жолтиот поштар има распон на крилјата од 46 до 54 мм.[7][8] Горниот дел на крилјата е во жолта боја со црни маргини на сите крилја. Често кога мирува крилјата се затворени и тешко може да се види црната маргина.[4]
Долниот дел на крилјата нема црни маргини и е во посветла боја. Предниот дел на крилјата имаат бела дамка. Женките,за разлика од мажјаците, имаат жолти точки по црната бордура на горната страна на крилјата.
Младите гасеници се жолто-зелени со црни глави. Подоцна тие стануваат темно-зелени. Куклите се зелени и имаат жолта линија.[9]
Возрасните единки летаат од март до октомври.[7] Во Јужна Европа и Северна Африка тие се парат во континуитет низ целата година. Јајцата се полагаат на растение. Една женка вообичаени полага до 600 јајца.[4]
Во топли предели гасениците растат брзо, а понекогаш стануваат кукли за време на еден месец. Куклата се развива од две до три седмици и во добри години има до три генерации годишно.[4]
Ларвите се хранат со растенијата: Trifolium pratense, Medicago sativa, Medicago lappacea, Medicago hispida, Medicago polymorpha, Medicago sulcata, Vicia, Lotus, Onobrychis, Astragalus, Colutea arborescens, Hippocrepis, и Anthyllis.[2]
Жолтиот поштар (Colias croceus) е пеперуга од семејството на пеперуги Белци. Пеперугата ја има и во Македонија.