Platanthera chlorantha (Custer) Rchb.

Zelenojta kokulinda (Platanthera chlorantha) je rostlina ze swójby orchidejowych rostlinow (Orchidaceae).

Wopisanje

Kćenje

Zelenojta kokulinda je trajne zelo, kotrež docpěwa wysokosć wot 20 hač 60 cm.

Łopjena docpěwaja dołhosć wot 8 hač 20 cm a šěrokosć wot 7 cm.

Kćěje wot meje hač julija. Nazeleń běłe kćenja docpěwaja wulkosć wot 1,6 hač 3,3 cm a njesu hač do 36 (20-40) mm dołhu, plecojtu, tupu wotrohu. Hubka je pasmojta a docpěwa dołhosć wot 10 hač 16 mm. Kašćiki próšknikow su dele rozepěrane, při čimž wotstawk horjeka je 2-2,5 mm a deleka 4-5 mm. Kćenja wonja po wječorach a po nocach jenož słabje.

Stejnišćo

Rosće w bukowych a jehlinowy měšanych lěsach a na łuhojtych łukach. Preferuje włóžne hač změnowłóžne, bazowe, stuchłe pódy.

Rozšěrjenje

Rostlina je w nimale cyłej Europje rozšěrjena.

Noty

1. ↑ Prawopisny słownik, Hornjoserbski słownik, ISBN 3-7420-1920-1, strona 199
2. ↑ W internetowym słowniku: Kuckucksblume

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 70 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 380 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Zelenojta kokulinda
(Platanthera chlorantha)