Ła scarlogna (nome sientifego Allium ascalonicum) xe na pianta deła fameja dełe Liliaceae. El so nome vien dała cità de Israele Ashkelon, (Hebrew: אַשְׁקְלוֹן ) , da dove i Crociati i ga porta in Europa sta verdura. Ła scarlogna xe pi picoła e pi scura deła zeóła, e ła xe fata de diversi bulbi unidi insieme. No ła fa fiori e par propagarla ocore piantare i bulbi in tereno sabioxo fra otobre e diçenbre. Łe scarlogne łe se tira su da giugno. El saor xe manco forte de queło deła zeóła e par questo el va ben par łe insałate.
